Boklunsj: Bortom allfarveg Vestlandet
Sentralbadet litteraturhus Lindeplassen, 5750 Odda,Odda,HordalandForfattar og globetrottar Gunnar Garfors deler smakebitar frå boka "Bortom allfarveg Vestlandet". Gunnar Garfors er forfattar, journalist, føredragshaldar og globetrottar. I 2018 blei han den første som for andre gong besøkte alle verdas 198 land. På fritida driv sunnfjordingen frå Naustdal mellom anna reisepodkasten Globusrulett og skriv for The Guardian. I gamle dagar jobba han over 20 år i NRK. Boka hans "Bortom allfarveg" selde i 2021 ut på fire dagar og låg sidan 12 veker på topplista. Oppfølgaren "Bortom allfarveg Vestlandet" er hans fjerde bok, og frå scena tek han oss med på ei lettbeint og humoristisk reise over heile landsdelen vår. Etter bokpresentasjonen inviteres alle reiselivsaktørar i Ullensvang kommune til ei samling for reiselivet på Sentralbadet litteraturhus. Visit Hardangerfjord og gir ein liten sniktitt på den nye profilen deira.
Siderkurs i Sentralbadet litteraturhus
Sentralbadet litteraturhus Lindeplassen, 5750 Odda,Odda,HordalandFoto: Øystein Haara Pommelierar og velrenomerte kokkar går i dybden i det sensoriske univers: Billettar til kvart enkelt kurs 11.00 - Sider møter sjokolade (Fjåk) Smak verdskjend sjokolade frå FJÅK saman med sider. Agurtxane Concellon frå Fjåk Sjokolade, sommelier Kasper Wrem Anderson frå Siderhuset Ola K og spennande siderprodusentar vil gje deg sprudlande sidersmakar og prisvinnande sjokolade i kombinasjon. Her får du smaka tre ulike sjokoladar opp mot tre sidertypar. 12.30 - Sider møter sjømat (Cornelius) Lær å setta saman perfekte mat- og drikkekombinasjonar! På dette kurset får du spennande kunnskap om korleis du kan kopla ulike sidertypar med østers og skjell. På kurset får du smaka tre elegante kombinasjonar. Cornelius Sjømatrestaurant vert med på kurset og stiller med lekre smakar frå havet, og sommelier Kasper Wrem Anderson frå Siderhuset Ola K vil la deg få smaka på utsøkte sidrar som passar til. 14.00 - Sider møter laks (Salma) Velkomen til ei spennande smaksoppleving der sider møter laks frå Hardangerfjorden! Sommelier og siderskribent Kasper Wrem Anderson frå Siderhuset Ola K tek oss med på ei smaksoppleving der sprudlande sider frå både utland og innland møter Salmalaks frå Hardangerfjorden. På kurset lærer du om gode sidrar til tre ulike lakserettar. Kom og smak spennande smakskombinasjonar frå Hardanger! 16.30 - Sider møter persetorsk (Bien) På kurset får du smaka nasjonale og internasjonale sidrar i møte med den berømte Persetorsken til Bien restaurant i Bergen. Den internasjonale anerkjente ciderologisten Gabe Cook husar deg gjennom denne smakinga der du garantert får ei utsøkt smaksoppleving. OBS: Hovudspråk for dette kurset er engelsk. 18.00 - Sider møter kjøtt (Varegga) Ei spennande sidersmaking der du lærer om gode siderparinger til smaksrikt kjøtt frå Vestlandet. Kurset blir halde av den internasjonalt anerkjente ciderologisten Gabe Cook. Med seg på laget har han både lokale og internasjonale siderprodusentar og Varegga Mat frå Bergen. Hovudspråket for dette kurset er engelsk.
Smelteverkslunsj – Ordføraren
Sentralbadet litteraturhus Lindeplassen, 5750 Odda,Odda,HordalandSentralbadet litteraturhuset inviterer til ein felleslunsj for aktørar som arbeider på og med bydel Smelteverket, og for dei alle som er opptatt av utvikling på tomta. Til Smelteverkslunsj i mai har vi invitert ordførar Roald Aga Haug for å gje oss ein status på ulike utviklingsprosjekt på Smelteverket. BAKGRUNN FOR SAMLINGA Ei kartlegging Odda kommune gjorde viste at det i 2018 var 180 menneske som har smelteverkstomta som sin arbeidstad. Det kjem til å skje mykje i området i åra framover og vi ynskjer styrke fellesskapskjensla og skape ein arena for å møtes. Ein aktør vert presentert kvar samling. Gratis adgang, sal av lunsj. Lunsjsamlinga er open for alle interesserte. Tips gjerne ein ven eller kollega.
Heilaften med BRECHT
Sentralbadet litteraturhus Lindeplassen, 5750 Odda,Odda,HordalandHaustens første offisielle arrangement er klart! Laurdag 3. september kjem Vigdis Hjort og gruppa Tilbud og Etterspørsel for å setje ord og musikk til Bertolt Brecht. Baren er open og vi gler oss til å sjå deg.
PROGRAMPRESENTASJON LITTERATURYSMPOSIET I ODDA 2022 KL. 18.00
VIGDIS HJORT: Å SKRIVE MED BRECHT KL. 19.00
Korleis skrive, i samtale med alle dei som har skrive før deg? Vigdis Hjort har gjennom fleire bøker vist stor interesse for dramatikaren og forfattaren Bertolt Brecht. Ho kjem til litteraturhuset for å snakka om eiga skriving – og korleis politikk og filosofi konstant siv inn i karakterane sine eksistensielle kvalar i romanane. Korleis ser det ut, når ein tek med seg gamle tankar inn i ei ny tid og ei ny røynd? Vigdis Hjort vil samtale, og lese frå eigne tekstar.
TILBUD OG ETTERSPØRSEL KL.20.00
– Ein musikalsk heilaften med Brecht
Bør verda omorganiserast? Kva er verst, å eige ein bank – eller å rane ein bank?
Gruppa Tilbudogetterspørsel dykkar ned i fleire evig aktuelle politiske spørsmål, med utgangspunkt i tekstane til forfattar og dramatikar Bertolt Brecht.
Brecht ville revolusjonere både teateret og verda, og klarte i alle fall det første. Han har hatt stor betyding for forfattarar og kunstnarar etter han, og kritikken han retta mot samfunnet vil fleire meine er like aktuell i dag.
I denne konsertforestillinga blir Brecht handsama på poetisk og spenstig vis. Vigdis Hjort les, Espen Leite speler trekkspel, Ruth Meyer syng – og Jørn Simen Øverli speler gitar, og har stått for gjendiktinga av dei fleste tekstane som inngår i stykket.