Laster Arrangementer

Kommende Arrangementer › Foredrag

Arrangementer Search and Views Navigation

Arrangement Views Navigation

oktober 2020

EI REISE PÅ SHERPASTIER – Foredrag ved Svein Nord

oktober 1 @ 19:00 - 20:00
Sentralbadet litteraturhus, Lindeplassen, 5750 Odda
Odda, Hordaland 5750
+ Google-kart
Gratis

Sherpaer frå Nepal har arbeidd på stiar og ferdslevegar i landet vårt i 15 år. Svein Nord har fulgt arbeidet dei seinaste seks åra og har gjeve ut ei praktbok med 70 artiklar frå 70 utvalde arbeidsstader. Ei reise med sherpaene til 70 utvalde landskap i Noreg. Steinbyggarane frå Nepal bryt berg med enkle reiskaper. Dei byggjer stier for hand, imponerande tilpassa naturlege liner i terrenget. Sherpaene restaurerer óg historiske ferdslevegar, steinbuer og murar i kulturlandskapet. Vi følgjer sherpaene i våre lange elvedalar, som Mørkridsdalen og Utladalen. På kyststiar ved havet i Austevoll i vest og langs Bunnefjorden i aust. I bratte fjell, på Glittertinden, Romsdalseggen, Reinebringen og heksefjellet Hornelen. Til folkemylderet på Gaustatoppen, Preikestolen og Kjerag, og på rolege stiar, som Falkeriset, Sabotørstien og Madonnastien. Og ei tur innom Sverige, til mektige Kebnekaise og til ein Ronja Røverdatter-skog i Kløvsjø. Svein Nord har i ei årrekkje gjeve ut kunnskapsbøker om natur og kulturlandskap, kunstbøker og historiske publikasjonar på Nord 4 forlag: 70 eigne boktitlar er gjeve ut sidan 1982. Denne kvelden presenterer han si siste bok, om sherpaene. Gratis adgang og open kafe, med boksal. NB: KORONA-TILTAK: Pga. krav om smittesporing ved arrangement må alle gjester registrerast med namn og kontaktinfo. Bordservering.  Hald 1 meters avstand til andre gjester enn dei du bur med.  Hald deg heime om du er sjuk.

Les mer »
+ Eksporter arrangementer